Pyaare Papa Special Poem For Fathers Day

Happy Fathers Day 

To

All Of You  

Pyaare Papa 

Pyaare Papa Sacche Papa,
Bachchon Ke Sang Bacche Papa |
Karte Hai Puri Har Iccha, 
Mere Sabse Acche Papa |

Papa Ne Hi To Sikhlaya, 
Har Mushkil Me Ban Kar Saaya |
Jeevan Jeena Kya Hota Hai,
Jub Duniya Me Koi Aaya |

Ungali Ko Pakad Kar Sikhlata, 
Jub Pahla Kadam Bhi Nhi Aata |
Nanhe Pyaare Bacche Ke Liye,
Papa Hi Sahaara Ban Jate Hai | 

Jeevan Ke Sukh-Dukh Ko Sah Kar, 
Papa Ki Chaya Me Rah Kar |
Bacche Kab Ho Jaate Hai Bade,
Yah Bhed Koi Nhi Kah Paaya |

Din Raat Jo Papa Karte Hai,
Bacche Ke Liye Jeete Marte Hai |
Bus Bacchon Ki Khushiyo Ke Liye, 
Apne Sukhon Ko Harte Hai |


Papa Har Farz Nibhate Hai,
Jeevan Bhar Karz Chukate Hai |
Bacche Ki Ek Khushi Ke Liye, 
Apne Sukh Bhul Jaate Hai |

Fir Kyu Aese Papa Ke Liye, 
Bacche Kuch Kar Hi Nhi Paate hai |
Aese Sacche Papa Ko Kyo, 
Papa Kahne Me Bhi Sakuchte Hai|

Papa Ka Aashish Banata Hai, 
Bacche Ka Jeevan Sukhdaee |
Par Bacche Bhul Hi Jaate Hai, 
Yah Kaesi Aadhi Hai aai |

Jisse Sab Kuch Paaya,
Jisne Sab Kuch Sikhlaya |
Kouti Namra Aese Papa Ko,
Jo Har Pal Saath Nibhaya Hai |

Pyaare Papa Ke Pyar Bhare,
Seene Se Jo Lag Jaate Hai |
Sach Kahta Hu Vishvaas Karo, 
Jeevan Me Sada Sukh Paate Ho


Share This Poem With Your Friends And Your Fathers In Father's Day